Os nosos libros

Benvidos á nosa biblioteca dixital e cultural, un espazo dedicado á salvagarda e difusión da memoria das Terras de Louredo. Nesta sección atoparás as últimas obras editadas grazas ao esforzo e á dedicación das Asociacións Porta da Cadea de Sobrado do Bispo (Barbadás) e da Asociación de Amigos do Patrimonio de Toén.
Estes libros son o froito de anos de investigación e recompilación de historias, tradicións, arte e etnografía que definen a nosa identidade.
Explora o noso catálogo para descargar as edicións dixitais ou consulta como solicitar o teu exemplar físico.

E tí de quen eres?. Motes e alcumes de Sobrado do Bispo

Descargar
Esta obra recolle 167 alcumes de Sobrado do Bispo (Barbadás) para pór en valor a rica tradición oral do noso rural. Inspirado no histórico traballo de Ben-Cho-Shey, o libro é unha alfaia de memoria popular que garda eses sobrenomes que, nas nosas aldeas, moitas veces teñen máis forza que o propio nome de pila. Unha lectura rápida e moi xeitosa para os amantes da cultura e a etnografía galega.

 Juan Carlos Arias Conde.
Asoc. Cultural Porta da Cadea, 2021

De Bandas e Xingros. Vida e obra de músicos e voces.

Adquirir exemplar
Esta obra realiza unha exhaustiva viaxe pola memoria musical de Sobrado do Bispo e as súas aldeas próximas, rescatando do esquecemento máis de vinte e cinco anos de historia sonora. A través das súas páxinas, o libro homenaxea a traxectoria de bandas, corais e músicos locais, documentando o seu impacto cultural e social na contorna de Barbadás. Un libro que axuda a entender como a música popular une á xente e crea identidade nas nosas aldeas.

Juan Carlos Arias Conde.
Asoc. Cultural Porta da Cadea, 2022

O Castro de Trelle: Historia, tradición e futuro

Descargar
Este libro recolle o pasado e o presente do Castro de Trelle, un dos xacementos máis emblemáticos situados entre os concellos de Toén, Barbadás e Cartelle. A obra fai un percorrido pola súa importancia arqueolóxica e as lendas transmitidas de xeración en xeración, á vez que documenta os traballos realizados para protexer e poñer en valor este espazo. É unha guía completa e útil para descubrir a pegada da cultura castrexa nesta zona de Ourense.

David Sabucedo Cardero
Pablo Sabucedo Santos
Benito Vilas Estévez
Asoc. Cultural Amigos do Patrimonio de Toén, 2024

Bartolome García de Bahamonde.
Un fidalgo e crego ilustrado no Ribeiro do século XVI

Adquirir exemplar
Esta obra convídanos a descubrir a figura de D. Bartolomé García de Bahamonde (†1583), un personaxe clave na vida social, política e relixiosa do Ribeiro no século XVI. Apoiándose na tese que o relaciona coas célebres pinturas de «O Pintor de Banga», o libro ofrece un rigoroso estudo que afonda nas súas nobres orixes e analiza, a través da súa figura, o patrimonio histórico e artístico da igrexa de Santa María de Mugares (Toén).

Pablo Sabucedo Santos
Asoc. Cultural Amigos do Patrimonio de Toén, 2024

Solicita o teu libro
en formato físico

Se o libro que desexas non está dispoñible para descargar, podes poñerte en contacto con nos para adquirir o teu libro en formato físico.

Solicitar Libro